თანამშრომლები

1. ქედის ბაგა-ბაღების გაერთიანების დირექტორი

ბაგა-ბაღების გაერთიანებას ხელმძღვანელობს დირექტორი, რომელსაც გააჩნია ბაგა-ბაღების გაერთიანების წარმომადგენლობითი უფლებამოსილება. მოქმედებს მისი სახელით და სპეციალური მინდობილობის გარეშე წარმოადგენს მას მესამე პირებთან ურთიერთობაში. ბაგა-ბაღების გაერთიანების დირექტორის თანამდებობაზე დანიშნავნის და გათავისუფლებს შესახებ გადაწყვეტილებას როგორც დამფუძნებელი, იღებს ქედის მუნიციპალიტეტის მერი. ხელმძღვანელობს ბაგა-ბაღების გაერთიანების საერთო საქმიანობას, და პასუხისმგებელია ამ საქმიანობის კანონიერებასა და ეფექტურობაზე. მოქმედი კანონმდებლობისა და წინამდებარე წესდების შესაბამისად განაგებს ბაგა-ბაღების გაერთიანების ქონებას და საფინანსო სახსრებს, პასუხისმგებელია მათ კანონიერ გამოყენებაზე. თავის უფლებამოსილების განხორციელებისას გამოსცემს სამართლებრივ აქტებს - ბრძანებებს, რომელთა შესრულება სავალდევბულოა ბაგა-ბაღების გაერთიანების ყველა თანამშრომლისათვის, ხელს აწერს ბაგა-ბაღების გაერთიანების საქმიანობასთან დაკავშირებულ ფინანსურ და სხვა დოკუმენტებს;

2. ქედის ბაგა-ბაღების გაერთიანების დირექტორის მოადგილე

ბაგა-ბაღების გაერთიანების დირექტორის მიერ თავისი უფლებამოსილების განხორციელების შეუძლებლობის (დროებითი შრომისუუნარობის) გამო ან სხვა საფუძვლის არსებობისას დირექტორისათვის შრომითი ურთიერთობის დროებით შეჩერებისა ან/და შეწყვეტის შემთხვევაში, ამ პერიოდში, დირექტორის დროებით მოვალეობას ასრულებს ამავე გაერთიანების დირექტორის მოადგილე. ბაგა-ბაღების გაერთიანების დირექტორის მოადგილე დირექტორის ბრძანებით დამტკიცებული ფუნქციების განაწილების შესაბამისად, ხელმძღვანელობს დირექტორის უფლებამოსილებისათვის მიკუთვნებულ დარგს (დარგებს), უზრუნველყოფს და აკონტროლებს დირექტორის სამართლებრივი აქტების აღსრულებას და მისი დავალების შესრულებას. ბაგა-ბაღების გაერთიანების დირექტორის მოადგილე ორგანიზებას უწევს ბაგა-ბაღების გაერთიანების სტრუქტურული ერთეულების საქმიანობას. უფლება აქვს დავალებები და მითითებები მისცეს სტრუქტურული ერთეულების ხელმძღვანელებსა და სხვა მოსამსახურეებს. ბაგა-ბაღების გაერთიანების დირექტორის მოადგილე ანგარიშვალდებულია ბაგა-ბაღების გაერთიანების დირექტორის წინაშე. ასრულებს კანონმდებლობით და წესდებით მინიჭებულ სხვა უფლებამოსილებებს.

3. ქედის ბაგა-ბაღების გაერთიანების საგანმანათლებლო კოორდინატორი (მეთოდისტი)

ბაგა-ბაღების გაერთიანებაში შემავალ სტრუქტურულ ერთეულებში სააღმზრდელო-საგანმანათლებლო პროცესის მეთოდურ მხარეს ხელმძღვანელობს მეთოდისტი, რომელიც ითვლება დირექტორის მოადგილედ მეთოდური მუშაობის დარგში. კოორდინაციას უწევს აღმზრდელის, აღმზრდელის თანაშემწის, მუსიკის პედაგოგის, ფსიქოლოგისა და ლოგოპედის მუშაობას. რეკომენდაციებს აძლევს აღმზრდელებს მუშაობის პროცესში. ჩართულია მშობლებთან შეხვედრის პროცესში. სისტემატურად ახდენს საგანმანათლებლო ღონისძიებების საჭიროებისათვის აუცილებელი სათამაშოებისა და სხვა ინვენტარის შემოწმებას და მათ მოკლე დროში განახლებას უწევს კოორდინაციას. ხელს უწყობს პედაგოგიური პერსონალის პროფესიული თვალსაზრისით გაზრდას, აცნობს მათ ახალ, თანამედროვე მიდგომებსა და მეთოდოლოგიას, ორგანიზებას უწევს პედაგოგიური პერსონალის დამატებით ტრენინგებს. უზრუნველყოფს ბაგა-ბაღების მეთვალყურეობას აღსაზრდელთა ფიზიკური გარემოს შესაბამისად მოწყობის შესახებ, ამ საკითხებთან დაკავშირებით მჭიდროდ თანამშრომლობს გაერთიანებაში პასუხისმგებელ სპეციალისტებთან და ბაგა-ბაღების ხელმძღვანელებთან. პერიოდულად ამოწმებს ბაგა-ბაღების სასაწავლო-სააღმზრდელო ჯგუფების მოწყობას და გასცემს შესაბამის რეკომენდაციებს. აგრეთვე, ესწრება სასწავლო ჯგუფებში აღმზრდელობით პროცესს, აფასებს მათი მუშაობის ხარისხს და შედეგების შესახებ მოხსენებას აკეთებს ბაგა-ბაღის ხელმძღვანელის და გაერთიანების დირექტორის წინაშე. აქტიურად მონაწილეობს ბაგა-ბაღების ავტორიზაციის საკითხებთან დაკავშირებით მიმდინარე პროექტებისა და სამუშაოების განხორციელების პროცესებში.

4. ქედის ბაგა-ბაღების გაერთიანების მთავარი ბუღალტერი

ბაგა-ბაღების გაერთიანებაში ბუღალტრულ აღრიცხვას, ანალიზს და ანგარიშს აწარმოებს საბუღალტრო, საფინანსო და საგადასახადო კანონმდებლობის მოთხოვნათა შესაბამისობით და სრული დაცვით. უზრუნველყოფს კონტროლის განხორციელებას საბუღალტრო საფინანსო საბუთების თავისდროულ და მომხდარი ოპერაციების კანონიერებაზე. უზრუნველყოფს ბაგა-ბაღების გაერთიანების თანამშრომელთა (პერსონალის) ხელფასების, პრემიებისა და სხვა გასაცემი თანხების თავისდროულ დარიცხვას და გაცემას. კონტროლს აწესებს სახსრების სწორად და მიზნობრივი დანიშნულებით გამოყენებაზე ბაგა-ბაღების გაერთიანების ფულადი სახსრებისა და მატერიალური ფასეულობათა (ქონების) დაცვაზე. უზრუნველყოფს ბუღალტრული დოკუმენტების აღრიცხვის რეგისტრირების, ხარჯთა ნუსხების, მათი გაანგარიშებისა და სხვა საბუთების შენახვასა და დადგენილი წესით არქივში ჩაბარებაზე.

5. ქედის ბაგა-ბაღების გაერთიანების ბუღალტერი

უზრუნველყოფს ბუღალტრული ანგარიშების სწორ შედგენას და დაწესებულ ფარგლებში შესაბამის სამსახურში წარდგენას. ასევე, უზრუნველყოს ფულადი სახსრების, ანგარიშსწორებისა და მატერიალური ფასეულობათა ინვეტარიზაციის ჩატარებაში მონაწილეობას, ინვეტარიზაციის შედეგების თავისდროულად გამოვლენას და აღრიცხვაში მის ასახვას. ახორცილებს სახელმწიფო შესყიდვების კოორდინატორის ფუნქციებს.

6. ქედის ბაგა-ბაღების გაერთიანების იურისტი

ანგარიშვალდებულია ბაგა-ბაღების გაერთიანების დირექტორის წინაშე. უზრუნველყოფს: გაერთიანების სამართლებრივი საკითხების მოწესრიგებას არსებული კანონმდებლობის შესაბამისად. ხელშეკრულებების და სხვა იურიდიული დოკუმენტების მომზადებას. წარმოადგენს ბაგა-ბაღების გაერთიანებას სასამართლოში მოსარჩელედ, მოპასუხედ, ყველა იმ უფლებით რაც მინიჭებული ექნება დირექტორის მიერ გაცემული მინდობილობის ფარგლებში. განიხილავს ბაგა-ბაღების გაერთიანების და სტრუქტურული ერთეულების პერსონალის, აღსაზრდელთა მშობლების და სხვა დაინტერესებულ პირთა განცხადებებსა და საჩივრებს. კონსულტაციას უწევს გაერთიანების და ბაგა-ბაღის თანამშრომლებს მათ საქმიანობასთან დაკავშირებით წამოჭრილ იურიდიულ საკითხებზე. გაერთიანების დირექტორს წარუდგენს წინადადებებს გაერთიანების მუშაობის სამართლებრივი გამართულობის უზრუნველყოფისთვის გასატარებელ ღონისძიებათა შესახებ.

7 ქედის ბაგა-ბაღების გაერთიანების კვების, ჰიგიენის და ბავშვთა ჯანმრთელობის დაცვის სპეციალისტი

ახორციელებს ბაგა-ბაღების გაერთიანების სტრუქტურული ერთეულებისათვის ათდღიანი მენიუს მოთხოვნილების შედგენას კვების პროდუქტების გაცემისათვის. პერიოდულად ახორციელებს ბავშვთა ჯანმრთელობის მდგომარეობის შემოწმებას. ბაგა-ბაღში არსებულ სამედიცინო ყუთს ამოწმებს და უზრუნველყოფს ყველა საჭირო სამედიცინო პრეპარატის და სადეზინფექციო ხსნარებით უზრუნველყოფას. კონტროლს უწევს ბაგა-ბაღების გაერთიანების სტრუქტურულ ერთეულებში მედდის მიერ წარმოებულ ჩანაწერებს ბავშვთა ჯნმრთელობის მდგომარეობის შესახებ. მუშაობს ბაგა-ბაღების გაერთიანების დირექტორთან შეთანხმებული გეგმის და გრაფიკის მიხედვით, სისტემატურად აწვდის ინფორმაციას გაერთიანების დირექტორს. აქტიურად თანამშრომლობს სკოლამდელი აღზრდის დაწესებულებების პერსონალთან აღსაზრდელთა და სასწავლო-სააღმზრდელო გარემოს, აგრეთვე სველი წერტილებისა და სამზარეულოს სანიტარულ-ჰიგიენური ნორმების უზრუნველსაყოფად. პერიოდულად ატარებს შენობა-ნაგებობების, გარე პერიმეტრის, სასწავლო-სააღმზრდელო ჯგუფების, სველი წერტილების, სასაწყობე ოთახების და სამზარეულოს სანიტარულ-ჰიგიენური მდგომარეობის მონიტორინგს. ამზადებს რეკომენდაციებს და აკონტროლებს ბაგა-ბაღებში დეზინფექციის სამუშაოების განხორციელებას. აგრეთვე წლის დასაწყისში გადასცემს ბაღებს ყოველდღიური ან/და ყოველკვირეული სადეზინფექციო სამუშაოებისათვის რეკომენდირებული ქიმიური საშუალებების ჩამონათვალს.

8. ქედის ბაგა-ბაღების გაერთიანების საქმისმწარმოებელი

აწარმოებს ბაგა-ბაღების გაერთიანების ბრძანების წიგნებს, უზრუნველყოფს ბრძანების შესაბამისი პირებისადმი გაცნობას. ატარებს შემოსულ და გასულ კორესპოდენციებს, აწესრიგებს თანამშრომელთა პირად საქმეებს, ინახავს გაერთიანების საარქივო მასალებს. ორგანიზებას უწევს შეხვედრებს როგორც ორგანიზაციის შიგნით, ასევე მის გარეთ. მოთხოვნის შესაბამისად უზრუნველყოფს საჯარო ინფორმაციის გაცემას. მოქალაქეთათვის და სხვა დაინტერესებული პირთათვის კონსულტაციის გაწევას და დახმარებას. უშუალოდ ხელმძღვანელობს დირექტორის სიტყვიერი და წერილობითი დავალებების შესრულებას.

9. ქედის ბაგა-ბაღების გაერთიანების მატერიალურად პასუხისმგებელი პირი (მნე)

ექვემდებარება გაერთიანების დირექტორს. უზრუნველყოფს ბაგა-ბაღების გაერთიანების ქონების დაცვას. უზრუნველყოფს ბაგა-ბაღების გაერთიანების სტრუქტურული ერთეულებში ქონების, კვების პროდუქტების, საწვავის, სანიტარულ-ჰიგიენური წესების საგნების და სხვა ფასეულობების დროზე მიღებასა და მოწოდებას. კონტროლს უწევს გაერთიანების სტრუქტურულ ერთეულებში მატერიალური პასუხისმგებელი პირების მუშაობას.

10. ქედის ბაგა-ბაღების გაერთიანების ხარისხის უზრუნველყოფის სპეციალისტი

უზრუნველყოფს საგანმანათლებლო დაწესებულებაში მიმდინარე პროცესების ხარისხის შეფასებას, შესაბამის პროცესზე პასუხისმგებელ პირთან კოორდინირებით, ახო რციელებს საგანმანათლებლო დაწესებულებებში შიდა სამართლებრივი რეგულაციებით დადგენილი მიმდინარე პროცესების შესახებ წარმოებული დოკუმენტების შეფასებას. უზრუნველყოფს პროცესების ხარისხის შეფასების ანგარიშების წარმოებას და დაწესებულების დირექტორისთვის წარდგენას.

11. ქედის ბაგა-ბაღების გაერთიანების პერსონალურ მონაცემთა დაცვის ოფიცერი

მონაცემთა დაცვასთან დაკავშირებულ საკითხებზე, მათ შორის, მარეგულირებელი სამართლებრივი ნორმების მიღების ან შეცვლის შესახებ, დამუშავებისთვის პასუხისმგებელი პირის, დამუშავებაზე უფლებამოსილი პირისა და მათი თანამშრომლების ინფორმირება, მათთვის კონსულტაციისა და მეთოდური დახმარების გაწევა, მონაცემთა დამუშავებასთან დაკავშირებული შიდა რეგულაციებისა და მონაცემთა დაცვაზე ზეგავლენის შეფასების დოკუმენტის შემუშავებაში მონაწილეობა, აგრეთვე დამუშავებისთვის პასუხისმგებელი პირის ან დამუშავებაზე უფლებამოსილი პირის მიერ საქართველოს კანონმდებლობისა და შიდა ორგანიზაციული დოკუმენტების შესრულების მონიტორინგი.